UNESCO ha’e pe Mba’eapokuaapy Tetãnguéra Joaju Tekombo’erã, Mba’ekuaa ha Arandupy (Organización de las Naciones Unidas para la Educación, la Ciencia y la Cultura (United Nations Educational, Scientific and Cultural Organization)). Oñemoheñói’akue Suporundysa irundypa pópe (1945) opami rire ñorairõ guasu arapy tuichakue javeve oikova’ekue, péva oñemoheñói kuri oñeipytyvõ haguã umi tetãnguérape ojuhu jey haguã tape pyahu py’aguapy reka ha ñemongeta potĩ pehẽnguekuéra apytépe.

UNESCO rembiapoite ha’e hína ha’e rupi peteĩ ñomoirũha ikokatúva Naciones Unidas ryepýpe, oipytyvõ imbareteve haguã  py’aguapy, opa haguã mboriahu, akã rapu’ã hekopeguáva ha ñemongeta ha ñe’ẽjoyvy arandurekogua ojoapytépe tekombo’e rupive, umi kuaapy, arandupy, ñemomarandu ha momarandu.

Maranduve UNESCO rehegua

Pe UNESCO myakãha Montevideo – pe oĩva  ha’e pe tenda América Latina ha Caribe pe guarã oipytyvõva aporeko mba’ekuaa ha mba’epyahu purureko rehegua. Oñangareko tembiapo ha apopyrã 33 (mbohapypa mbohapy) tetã tendaguávape, oikehápe avei Uruguay. Avei omba’apo apopyrãkuéra tetãryepypeguáva Argentina, Paraguái Uruguay ha Chile – pe guarã  ha ojepy’apy umi apopyrã ha tembiapokuéra MERCOSUR ryepýpe oĩva rehe avei.

Maranduve myakäha UNESCO oïva Montevideo - pe

UNESCO omba’apo tekombo’e, mba’ekuaakuéra ha’etéva y tekoha reheguáva, mba’ekuaakuéra mbyareko ha tekoñomoirũ  rehegua, arandukuaa, ñemomarandu ha jekuaaukapy.

Maranduve umi apopyrã ha tembiapo’aty UNESCO ryepýpegua

Pe viru jepururã jepiguáva ojepuru mba’e porãrã ha ohepyme’ẽ Tetãteekuéra Hyepypegua ojapo rupi ñeme’ẽ  ñemyatyrõmbyre ojoapytépe. UNESCO oguereko jey avei peteĩ viru ijykepeguáva ikatu haguãicha ombotuichave umi apopyrã- katueteive umi ojejapo haguã umi tembiapo péva ryepýpegua- ha omongakuaave haguã hembiapokuéra ñemyasãirã.